Disa ditë e vdekur, gjendet pa jetë në banesë nëna e peshëngritësit Pirro Dhima

Nëna e peshëngritësit Pirro Dhima, kampion bote me Greqinë është gjetur e vdekur në banesën e saj në Himarë. Burime nga policia bëjnë me dije se Lefteria Dhima, 75 vjeçe është gjetur e pajetë pranë kazanëve të rakisë. Abcnews.al mëson se trupi i të moshuarës është dërguar në morgun e Sarandës.

Lexo edhe: U gjet e dekompozuar në Himarë, marrëdhënia e vështirë e Piro Dhimës me nënën, shkak martesa me gazetaren greke

Dyshohet se ka 3-4 dite që ka ndërruar jetë, pasi kishte nisur te dekompozohej. E moshuara jetonte vetëm, ndërsa besohet se vdekja mund të ketë ardhur për shkaqe natyrale, si pasojë e arrestit kardiak. Në trupin e viktimës nuk janë konstatuar shenja dhune.

“Më datë 30.09.2021, në Himarë, është gjetur e vdekur pa shenja dhune, shtetasja L. Dh., 75 vjeçe, dyshohet vdekje natyrale, si pasojë e arrestit kardiak.

Materialet iu referuan prokurorisë, për veprime të mëtejshme,” thuhet në njoftimin e policisë. g.v/abcnews.al