Nëse ndiheni vazhdimisht të lodhur dhe të rraskapitur, këto ndryshime të vogla në rutinën tuaj të përditshme mund të bëjnë një ndryshim të madh
A zgjoheni dhe ndiheni të lodhur? Nëse nivelet tuaja të energjisë janë jashtë nivelit, Dr. Alfred Tallia shpjegon se ka disa ndryshime të vogla në stilin e jetës tuaj të përditshme që mund t’i shtyjnë ata të kthehen.
Efektiviteti i tyre mbështetet nga kërkimet, kështu që ia vlen të provohet. Pra, eksperimentoni me gjashtë zakonet e mëposhtme, të cilat vërtet mund të rrisin energjinë dhe humorin tuaj.
Përvetësoni mekanizma të shëndetshëm të përballimit të stresit
Stresi emocional mund t’ju bëjë të ndiheni më pak të gjallë dhe ka efekte të rëndësishme si në shëndetin mendor ashtu edhe në atë fizik. Shtoni në rutinën tuaj të përditshme meditimin ose disa minuta ushtrime që mund të rikthen energjinë tuaj të humbur. Edhe të bësh diçka që të pëlqen, si leximi i një libri, mund t’ju sjellë gëzim dhe për rrjedhojë vitalitetin që ju nevojitet.
Shkurtoni kafeinën
Nuk po ju kërkojmë të jetoni pa të, por ta kufizoni pasi konsumimi i tepërt i tij ndikon në cilësinë e gjumit dhe rrjedhimisht në energjinë tuaj mëngjesin e nesërm. Nëse, nga ana tjetër, vendosni ta shkurtoni plotësisht, përsëri do të ndjeni lodhje intensive në fillim, ndaj zgjidhja më e mirë është moderimi. Ekspertët rekomandojnë që të përpiqeni ta reduktoni gradualisht.
Mos harroni të lëvizni
Edhe sasia më e vogël e ushtrimeve gjatë ditës mund të kontribuojë ndjeshëm në energjinë tuaj, prandaj është mirë të mos e anashkaloni. Nuk keni nevojë të bëni stërvitje të tepruar, edhe pesë minuta nga koha juaj mjaftojnë për të rifituar energjinë dhe vitalitetin e humbur.
Pi më shumë ujë
Dehidratimi është një faktor kyç që dobëson trupin tuaj si pasojë e të cilit shpesh ndiheni pa bateri. Kur ushtroheni, në fakt ju humbni ujë përmes djersës, kështu që është e rëndësishme ta keni atë në dorë gjatë stërvitjes. Pavarësisht se sa shumë ujë humbisni gjatë një stërvitje, është e rëndësishme ta zëvendësoni atë për të shmangur dehidratimin, sepse kur jeni të dehidratuar, jeni në një rrezik më të lartë të lëndimit dhe performanca juaj mund të ulet.
Ulni kohën para ekranit
Ekspozimi i zgjatur ndaj celularëve dhe ekraneve ul ndjeshëm nivelet e energjisë, ndërsa gjatë natës prishin neurotransmetuesit që sigurojnë cilësi të mirë të gjumit. Mund të jetë e vështirë të shkurtosh kohën e ekranit, por përfitimet janë të rëndësishme.
Shmangni anashkalimin e vakteve
Truri ka nevojë për ushqim të mirë për të funksionuar siç duhet, sipas ekspertëve, kështu që është mirë që të mos anashkaloni vaktet gjatë ditës që do t’ju kursejnë energjinë dhe humorin. Një test i thjeshtë do t’ju bindë!/abcnews.al
