Me përparimin e shkencës dhe teknologjisë janë bërë hapa të mëdhenj në drejtim të potencialit për përmirësimin e cilësisë së jetës së njerëzve dhe rritjen e moshës mesatare, të paktën në shoqëritë perëndimore. Megjithatë, ka disa fakte për popullsinë botërore që duhet t’i marrim parasysh nëse duam të çojmë në një përmirësim të mëtejshëm të kushteve të jetesës.
1. 60% e popullsisë së botës jeton në Azi dhe në veçanti pothuajse një në 3 persona jeton në Kinë ose Indi.
2. Jetëgjatësia për gratë është 75 vjet dhe 71 vjeç për burrat. Në përgjithësi, jetëgjatësia për të dy gjinitë është rritur me të paktën gjashtë vjet që nga viti 2000, sipas Forumit Ekonomik Botëror.
3. Japonia ka popullsinë mesatare më të vjetër, me një moshë mesatare prej 45.9 vjeç. Në të kundërt, mosha mesatare e popullsisë nigeriane është 15.2 vjeç. Dhjetë vendet me popullsinë më të re në botë janë në Afrikë.
4. Tetëdhjetë e pesë përqind e fëmijëve nën moshën 16 vjeç në mbarë botën ndjekin shkollën ose ndonjë mjedis tjetër arsimor. Kjo përqindje për të miturit nga 16 deri në 18 vjeç është 65%.
5. Aktualisht ka 7.88 miliardë njerëz në planet.
6. Popullsia e botës po rritet me 1.1% çdo vit. Me këtë ritëm, vlerësohet se deri në vitin 2030 do të ketë rreth 8.5 miliardë njerëz në tokë, ndërsa në vitin 2050 numri do të arrijë në 9.7 miliardë.
/ Abcnews.al
