Gjatë intervistës me podcastin e “Football Ramble” , Olivier Giroud iu rikthye konfliktit me Kylian Mbappé që ndodhi në Euro 2020.
“Për mua është e lehtë të flas për atë episod. E bëra tashmë në konferencën për shtyp dhe tashmë e kam sqaruar se çfarë ka ndodhur, shtypi ka zmadhuar gjithçka.
Dy ditë pas asaj përplasjeje të vogël, ne u sqaruam dhe ne menduam vetëm për ndeshjen e radhës”.
Sulmuesi francez i Milanit rrëfen zhgënjimin e tij që nuk ishte përfshirë nga Deschamps në raundin e fundit të thirrjeve, atë për finalen e katërt të Ligës së Kombeve.
“Do të gënjeja nëse do të thosha se nuk më mungojnë djemtë dhe uniforma e Francës është më e mira që mund të kemë veshur, prandaj u ndjeva pak i frustruar kur i pashë të fitonin pa mua, por më pas u gëzova shumë me triumfin që erdhi pas një europiani të komplikuar”.
Kështu është shprehur sulmuesi 35-vjeçar./abcnews.al
