E mërkura rikthen Europa League dhe Inter-Getafe është një nga duelet më interesante të raundit të 1/8 të këtij kompeticioni.
Ekipi italian është favorit për të fituar ndeshjen teke, por spanjollët janë gati të bëjnë surprizën dhe të kualifikohen në çerekfinale.
Mbrojtësi i majtë i Getafes, Marc Cucurella ka folur rreth kësaj sfide historike për klubin madrilen. “Mund të arrijmë diçka historike. Mendoj se na kanë shërbyer këto javë për të pushuar dhe karikuar energjitë.
Kaluam një sezon të vështirë, tani jemi çliruar psikologjikisht dhe po e përgatisim mirë ndeshjen me Interin.
Do të japim gjithçka për të kaluar turnin. Ndeshja e së mërkurës është një finale për ne. Interi është një ekip i madh, por jemi gati të luftojmë me armët tona“, deklaron Cucurella. /abcnews.al
