Steven Gerrard, trajneri i Rangers, nuk ka qëndruar në heshtjes pas ceremonisë së mbrëmshme të FIFA-s, ku u vlerësuan lojtarët më të mirë në botë. Legjenda e Liverpool ka shfryrë kundër vendimeve që FIFA mori, e cila nuk vlerësoi dyshen e Liverpoolit, Trent Alexander-Arnold dhe Andy Robertson.
Dy mbrojtësit e krahut janë lojtarët më të rëndësishëm për Jurgen Klopp dhe ishin elementë kyç në fitimin e Champions League. Gerrard mendon se për sezonin që dy mbrojtësit kanë bërë, e meritonin të ishin në FIFA World Pro XI, para emrave si Marcelo e Ramos.
Në një postim të tij në Instagram, aty ku ndiqet nga më shumë se 8 milionë njerëz, Gerrard postoi fotot e Arnold dhe Robertson, duke shkruar: “Ne e dimë, kështu që nuk ka rëndësi”./abcnews.al
