Steven Gerrard, trajneri i Aston Villas, siguroi se braziliani Philippe Coutinho ishte “i çmendur” për t’u rikthyer në Premier League dhe se ata duhet ta bëjnë atë që të shijojë sërish futbollin.
Me kontratë ende deri në vitin 2023 me klubin e Barçës, ai është në huazim deri në fund të sezonit te klubi anglez me opsion blerjeje.
“Një nga çelësat ishte që ai të ishte përsëri i shpejtë dhe ne ende po punojmë për të. Ai mund të bëhet më i fortë dhe më i fortë, dhe do ta bëjë këtë kur të ketë më shumë seanca stërvitore dhe lojëra,” tha Gerrard në një konferencë shtypi.
“Pastaj ne gjithashtu duhej ta bënim atë që të shijonte përsëri futbollin. Duke qenë i rrethuar nga grupi, duke buzëqeshur dhe duke dashur të luajë. Mund ta shihni në lojërat e tij se ai po e bën këtë. Ai ishte i çmendur të kthehej në Premier League dhe ne kemi dhënë atij të gjitha kushtet që ai të dalë dhe të kënaqet”, ka shpjeguar ai.
“Për mua, e mira e Coutinhos është se ai është shumë i përulur, ka një kokë të mobiluar shumë mirë dhe këmbët në tokë. Nuk do të mendonit se po flisni me një yll botëror nëse merreni me të çdo ditë. Ai është një qenie njerëzore e shkëlqyer”, shtoi Gerard. /abcnews.al/
