Gjykata e Posaçme kundër Krimit dhe Korrupsionit ka vendosur që të rrëzojë kërkesën e SPAK për rihapjen e hetimeve për Fatmir Mediun për tragjedinë e Gërdecit, mbi rolin e tij në këtë periudhë që ka qenë në postin e ministrit të Mbrojtjes.
LEXO EDHE: Gërdeci, Gjykata e Posaçme rrëzon kërkesën e SPAK për Fatmir Mediun
Menjëherë pas këtij vendimi një reagim ka ardhur nga SPAK. Gazetari i ABC, Ermal Vija, raporton se SPAK do të ankimojë menjëherë vendimin në Apelin e GJKKO, ndërsa argumenton se rrëzimi i kërkesës është i pa bazuar në ligj.
Pas shqyrtimit të kërkesës, gjyqtari Erjon Çela vendosi që të rrëzonte SPAK-un duke shpëtuar Fatmir Mediun nga rihetimi dhe procesi gjyqësor. Tashmë pritet nëse çështja të apelohet nga SPAK për të këmbëngulur në rihapjen e dosjes së Gërdecit me 26 të vrarë dhe qindra të plagosur. /abcnews.al/
