Napoli siguroi kualifikimin në gjysmëfinalet e Kupës së Italisë në mesjavë pas fitores 1-0 kundër Lazios dhe nesër do të tentojë të mundë Juventusin në “San Paolo”. Ndeshja e kampionatit është shumë e vështire, teksa Gattuso ka një kërkesë për lojtarët e tij.
“Duhet të rinisemi nga ndeshja ndaj Lazios. Stadiumi do të mbushet plot, duhet të bëjmë një ndeshje të madhe dhe me entuziazëm kundër Juventusit. Do të luajmë me një ekip që krijon shumë, qarkullon mirë topin dhe ka kampionë të mëdhenj në përbërje.
Dua lojtarë të motivuar dhe të gatshëm të sakrifikojnë për fanellën që mbajnë veshur. Sarri? Ai është një ndër trajnerët më të mirë në botë dhe ka krijuar një makinë perfekte. E vlerësoj shumë, më pëlqen mënyra se si e sheh futbollin“, përfundon Gattuso. /abcnews.al
