Gennaro Gattuso e nis vitin 2020 me një ndeshje shumë delikate, kundër kryesuesve të Serie , Interit. Napoli nuk mund të bëjë më gabime, nëse dëshiron të besojë në kualifikimin në Champions League sezonin e ardhshëm.
Gattuso e di se do të duhet të fitojë pa Kalidou Koulibaly, i cili është ende duke punuar i distancuar pas dëmtimit që pësoi ndaj Parmas. ME shumë gjasa, mbrojtësi nuk luan kundër Interit. E njëjta vlen edhe për Maksimovic, i cili ende po kalon terapitë individuale.
Me pak fjalë, me të gjitha gjasat do të varet nga Manolas dhe Luperto, të cilët do të përballen me dyshen e frikshme të Interit, Lukaku-Lautaro./abcnews.al
