Gareth Bale gjithë sezonin ka qenë çështje te Real Madrid, edhe pse është mohuar shpesh. Uellsiani më së shumti e ka pasur mendjen te golfi, ndërkohë që në takimet e fundit të spanjollëve ka qenë protagonist vetëm me sjelljet e çuditshme. Madje edhe duke dremitur në stol.
AS në Spanjë është e bindur që Bale do të largohet nga Real Madrid, klub që paguan 17 milion euro në sezon për të. Për spanjollët, shitja e tij është veprimi më i zgjuar në çdo aspekt, financiarisht dhe sportivisht.
Dy golat në 16 ndeshje tregojnë rendimentin e tij, ndërkohë që nga fillimi ka nisur vetëm 12 ndeshje në La Liga. “Onda Cero”, së fundmi ka raportuar se Bale ka refuzuar të grumbullohet për ndeshjen kundër Leganes.
Sikurse kuptohet, mes tij dhe Zidane ka një raport të ngrirë dhe francezi nuk e llogarit aspak Bale. Në klubin Realit e mohojnë që sulmuesi të ketë refuzuar grumbullimin, duke theksuar se është lënë jashtë për zgjedhje teknike të trajnerit. /abcnews.al
