Lyon zhvilloi një ndeshje pozitive kundër PSG mbrëmjen e kaluar në finalen e Kupës së Ligës. 120 minutat u mbyllën pa gola dhe ekipi i Tuchel fitoi trofeun vetëm pas goditjeve të penalltive.
Tani është ndeshja e kthimit e raundit të 1/8 në Champions League përballë Juventusit në Torino. Lyon ka fituar 1-0 takimin e parë dhe trajneri Rudi Garcia “kërcënon” bardhezinjtë e Sarrit.
“Ishte ndeshja jonë e parë e vërtetë, por vuajtëm shumë fizikisht. Rikuperimi i energjive do të jetë shumë i rëndësishëm, duhet të punojmë në këtë aspekt.
Duhet të paraqitemi më mirë në sulm për të shkuar te goli, por kemi një bazë të mirë për të punuar.
Duam të kualifikohemi kundër Juventusit, objektivi ynë është të mbërrijmë në çerekfinale“, thekson Rudi Garcia. /abcnews.al
