Një lajm i hidhur për të gjithë fansat e motoçiklizmit. Ylli britanik, Ben Godfrey, ka gjetur vdekjen pas një përplasje në Donington Park. Ai po merrte pjesë në një event disa ditor, ku nuk ka asnjë limit shpejtësie.
Godfrey ra nga motoçikleta e tij dhe fatkeqësisht aty gjeti dhe vdekjen. Drejtori i kësaj gare, Mark Neate, shprehu ngushëllimet e tij si dhe kujton aftësitë e ish-kampionit.
“Ben ishte një person fantastik dhe ishte shumë miqësor. Ishte gjithmonë i buzëqeshur dhe kishte kohë për të gjithëve. Mezi po e priste rifillimin e kampionatit, por fatkeqësisht nuk do të jetë me ne. Ngushëllimet tona janë për familjen e tij si dhe për bashkëshorten e Benit, Jordanin”, mbyll organizatori. /abcnews.al
