Një nga 7 kandidatët për primaret në PD për qytetin e Tiranës, është dhe Enkeleida Fejzo, e cila e ftuar në studion e ABC Live ka deklaruar edhe programin e saj, e cila është i bazuar në faktin që Tirana nuk është një metropol dhe se kjo gjë është e bazuar në një gënjeshtër. Në një bisedë me gazetaren Sibora Bitri, Fejzo ka deklaruar origjinën e saj nga Memaliaj por që aktualisht prej 2 dekadash banon në Tiranë dhe kandidaturën e saj e ka bazuar në menaxhimin e mirë në terren, komunikimin shumë të mirë me qytetarët si dhe avancimin për qytetarinë dhe kulturën.
‘Për mua gara në primare më jep më shumë forcë, kam dy dekada që banoj në Tiranë, kam mësuar shumë nga ky vend, nuk trembem, nuk kam arsye. Së pari, jemi të ndryshëm nga njëri tjetri, jo vetëm PD por e gjithë Shqipëria, pres një debat, do jemi përballë të enjten, kam qenë e hapur, gjatë kohës që jemi prezantuar, koha ka qenë shumë e shkurtër, ka një fuqi të tij, unë jo vetëm jam një figurë e re, por kam eksperiencë. Me shumë kënaqësi do të shfaq disa pika. Media ka qenë shumë mikpritëse, sidomos se jam një figurë e re’ tha Fejzo.
Si pika kryesore të programit të saj është ç’rrënjosja e modelit të kryebashkiakut – betonit, patronazhistëve të një shërbimi nuk e merr qytetari. Programi për mirërritjen dhe shërbimin ndaj fëmijëve si dhe hapja e kopshteve dhe çerdheve sa më shumë publike – kjo do të ndihmonte sa më shumë familjen.
‘Ne e dimë sa heqim për të arsimuar një fëmijë. Nëse nuk kemi të qetë një fëmijë, asnjë nukë shtë i qetë. Shërbimet publike tju vihen në përdorim fëmijëve, të rinjve për kurse private’ tha kandidatja për primare Fejzo.
Ndër pikat kryesore të programit të saj ishte dhe ndihma ekonomike dhe sociale, sipas saj ‘tirana nuk është metropol, vija e kuqe në mënyrë emergjente, një rrugë ku aty do të hyjë vetëm ambulanca, policia, njerëzit do të jenë më të qetë, do ta lehtësonte trafikun. Polixi bashkiak, duhet të jetë me kapele të bardhë, sepse policia bashkiake ndikon një performancë frike ndaj çdo qytetari’, u shpreh Fejzo
