Flokët kanë fuqinë për të ndryshuar tërësisht pamjen. Për të qenë sa më të shëndetshëm dhe me shkëlqim, flokët kanë nevojë për kujdes dhe vëmendje të vazhdueshme. Disa zakone që i bëni në përditshmëri për t’u dukur sa më bukur, në fakt janë shumë të dëmshme për flokun.
Neglizhoni prerjen e rregullt të flokëve
Shumë prej nesh e anashkalojnë prerjen e flokëve duke menduar se asgjë nuk ndryshon nëse i presin flokët pak më vonë. Flokët tanë rriten nga rrënja, por majat janë ato që kërkojnë vëmendje të veçantë pasi përdorimi i përditshëm i shampove (që përmbajnë sulfate të forta) i shkatërron ato ndjeshëm. Ekspertët rekomandojnë që të prisni flokët çdo 2 muaj për të hequr gërshërët dhe majat e dëmtuara.
Përdorni shumë zbutës
Zbutësi i flokëve i preferuar shton lagështinë e nevojshme dhe ndihmon që flokët të jenë sa më të butë. Shumica mendon se mund ta aplikojnë zbutësin në të gjithë skalpin e kokës, por në fakt duhet të aplikohet vetëm në majat e flokëve.
Keqpërdorni shampon e thatë
Shampoja e thatë është zgjidhja perfekte kur nuk keni kohë për t’u larë. Por përdorimi i tepërt mund të shkaktojë probleme të ndryshme të tilla si inflamacion. Ekspertët rekomandojnë përdorimin e tij 1-2 herë në javë. /abcnews.al
