Bërja e një dushi mund të jetë relaksues, por jo të gjithë mendojnë se ka disa gabime që mund t’i bëni ndërsa laheni. Në fakt, ka disa gabime në dukje të vogla, por të mëdha për dëmin që ata shkaktojnë në shëndet.
Dr. Heidi Waldorf, një dermatologe kozmetike shpjegon për “Insider” gabimet që duhet të shmangni kur bëhet fjalë për kujdesin e lëkurës gjatë larjes.
Bërja e një dushi të nxehtë dhe për një kohë më të gjatë
Nuk duhet të laheni me ujë të nxehtë pasi than lëkurën tuaj, shkakton acarim dhe plakjen e parakohshme. Prandaj është e rëndësishme të përdorni ujë të vakët. Dermatologia thotë se dushi duhet kufizuar në 10 minuta ise më pak.
Përdorimi i kremit të gabuar për lëkurën tuaj
Nëse e ndjeni lëkurën të thatë pas larjes, me shumë mundësi po përdorni kremin e gabuar. Një produkt efektiv do ta bënte lëkurën më të butë, thotë Waldorf.
Nuk aplikoni hidratues
Mosaplikimi i hidratuesit pas dushit, mund të sjellë dëmtime serioze për lëkurën tuaj. Përdorimi i tij bën që lëkura të mos thahet dhe çahet.
Përdorni vaj në vend të një hidratanti
Përdorimi i një vaji pasi bëni dush është më mirë se sa të mos aplikosh asgjë, por nuk jep efektin e duhur të një hidratuesi.
Mos e fërkoni trupin fort
Sipas dermatologes, kjo mund ta dëmtojë lëkurën tuaj. Lëkura mund të skuqet, gjë që mund të shkaktojë irritim. /abcnews.al/
