Ish-trajneri legjendar i Arsenalit, Arsene Wenger, i është përgjigjur pyetjes se kush mendon se është më i mirë Lionel Messi apo Cristiano Ronaldo.
“Unë them shpesh se Cristiano Ronaldo është një futbollist, dhe Lionel Messi është më shumë një artist. Ky është ndryshimi midis të dyve”, tha Wenger për SoFoot në 2020.
“Secili zgjedh atë që i pëlqen më shumë. Kur na pëlqen loja, preferojmë artistin. Kreativiteti na bën të zbulojmë gjëra që nuk i kemi parë më parë.
Stili i Messit është më i hollë, por nuk e mohoj cilësinë e portugezit. Thjesht mendoj se futbolli është bërë stili i Ronaldos. Kjo nuk do të thotë se ai ka humbur kreativitetin. Rregullat duhet të evoluojnë për ta bërë lojën më spektakolare, më të bukur për t’u parë”, tha Wenger.
Duket se debati se kush është më i mirë do të vazhdojë pafundësisht. Messi ka shtatë topa të artë, ndërsa Ronaldo pesë.
Të dy lojtarët vazhdojnë të luajnë për klubet më të mira evropiane pavarësisht se janë mbi 35 vjeç. /G.D abcnews.al/
