Funerali i Ozzy Osbourne, mijëra fansa i bëjnë homazhe këngëtarit të ndjerë

“Princi i errësirës”, Ozzy Osbourn u nderua nga mijëra fansa teksa makina që mbante arkëmortin e tij eci nëpër rrugët e Birmingham.

Shtëpia e Heavy Metal u mbush nga turmat që brohorisnin emrin e Osbourne dhe mbanin në duar pankarta lamtumire.

Makina e varrimit që mbante Osbourne, i cili vdiq të martën e kaluar në moshën 76 vjeç, eci Broad Street, rrugën kryesore të qytetit, drejt stolit të Black Sabbath, i cili u përurua në urën e kanalit Broad Street në vitin 2019.

Anëtarët e familjes ndoqën kortezhin, i cili shoqërohej nga një bandë frymore live. Fëmijët e yllit të muzikës heavy metal dhe bashkëshortja e tij Sharon Osbourne përshëndetën turmën mes lotëve për humbjen e të dshurit të tyre.

Që kur u njoftua vdekja e Osbourne, fansat kanë bërë pelegrinazhe në vende përreth Birminghamit, i cili gjatë dekadave ka fituar reputacionin e tij si vendlindja e heavy metali. Ndër bashkëmoshatarët e tij, Ozzy Osbourne ishte kumbari I kësaj rryme muzikore.