Braziliani i Manchester United, Fred, ka folur hapur për problemet në dhomat e zhveshjes te “Djajtë e Kuq”. Sipas mesfushorit, grupi nuk është i bashkuar dhe mentaliteti nuk është i duhuri në ekip.
Mesfushori tha për De Sola: “Po vuajmë shumë për momentin, na mungojnë disa gjëra që po mundohemi t’i gjejmë në seancat stërvitore dhe në fushën e lojës. Po na mungon kreativiteti, sidomos në mesfushë.
Gjithashtu, duhet të përmirësohemi si grup, mentaliteti nuk është ai i duhuri, kemi shumë probleme. Ka shumë gjëra për të diskutuar, çdo skuadër ka probleme, por problemi ynë është ky. Duhet të jemi më të bashkuar.
Nuk duhet thjesht të vrapojmë në fushën e lojës. Duhet të fokusohemi, të bëjmë veprime që bëjnë diferencën. Duhet të jemi në të njëjtin mendim, të arrijmë objektivat që kemi vendosur në fillim të sezonit. Duhet t’i zgjidhim sa më shpejt këto probleme”, tha Fred./abcnews.al
