Astronauti amerikan, Frank Rubio theu rekordin si personi që ka qëndruar më gjatë në Hapësirë.
NASA e uroi Rubion në një postim në platformën e mediave sociale X të enjten, duke shkruar: “Urime astronautit të NASA-s Frank Rubio për përfundimin e një viti në @Space_Station. Në udhëtimin e tij të parë në hapësirë, Rubio theu rekordin për një astronaut amerikan”.
Rubio ka qenë në Stacionin Ndërkombëtar të Hapësirës (ISS) me dy kozmonautë rusë që nga 21 shtatori 2022, në një mision që supozohej të zgjaste vetëm gjashtë muaj, kur ata udhëtuan për në ISS me anijen ruse Soyuz MS-22. Soyuz MS-22 u kthye në Tokë pa ekuipazh dhe MS-23 u nis në shkurt 2023 dhe u ankorua me ISS.
Rubio tha se nëse do t’i ishte kërkuar paraprakisht të kalonte një vit të tërë në hapësirë, ndoshta do të kishte thënë jo.
“Nëse do të më kishin pyetur përpara stërvitjes, me siguri do të kisha refuzuar”, tha ai. “Nëse do ta dija që do të më duhej të humbisja këto ngjarje shumë të rëndësishme familjare, do të kisha thënë: “Faleminderit, por jo”, theksoi ai.
