Të paktën tre persona kanë humbur jetën në Francë, pasi janë përfshirë në përmbytjen në rajonin Gard e shkaktuar nga stuhia Monica,
Sipas lajmeve në mediat vendase, mësohet se janë gjetur trupat e pajetë të 2 grave që u përfshinë në përmbytjen pas reshjeve ekstreme në Goudargues në rajonin Gard dhe të një shoferi 62-vjeçar në rajonin Gagnieres.
Po ashtu autoritetet kanë ndarë informacionin se janë ende të zhdukur babai dhe dy fëmijët e tij të cilët tentuan të kalojnë me automjetin e tyre urën në Dions dhe të një 70-vjeçari në Ardech.
Shërbimi Meteororlogjik francez, Meteo France njoftoi se në rajonet Ardeche, Bouches-du-Rhone, Charente-Maritime, Gard, Gironde, Pyrenees-Atlantiques, Var dhe Yonne vazhdon rreziku i përmbytjeve për shkak të shirave intensive dhe se niveli i alarmit është përcaktuar si portokalli.
Qytetarët në rajonet ku stuhia është efektive u paralajmëruan që të “mos dalin nga shtëpitë e tyre”.
