Dalin fotot e Florian Lamçes (Flor Qorrit) që u shkrepën pak orë para se të vritej në një lokal në qendër të Elbasanit.
Në fotot e siguruara nga Abcnews.al, viktima shfaqet në tavolinë me 2 miqtë e tij, Sokol Sanxhaktari dhe Adriano Hajdari, tashmë të arrestuar nga policia.
Siç shihet edhe në foto të tre personat kanë qenë duke konsumuar alkool dhe shisha deri në orët e para të mëngjesit të ditës së sotme.
Madje mes tyre nuk kanë munguar edhe përqafimet.
Sakaq mësohet se dy të arrestuarit për vrasjen e 30 vjecarit kanë deklaruar përpara grupit hetimor se nuk e mbajnë mend konfliktin pasi kanë qenë në gjendje të dehur.
Ngjarja e rëndë ndodhi, mëngjesin e sotëm pranë lokalit ‘Piazza’, në qendër të qytetit të Elbasanit.
Gjatë përleshjes 30-vjeçari u godit me shishe dhe sende të forta nga shokët e tij, Adriano Hajdari dhe Sokol Sanxhaktari, ky i fundit është dhëndri i Qazim Sejdinit./abcnews.al
