Babai i një foshnjeje të porsalindur befasoi partneren e tij, duke i propozuar për martesë me “ndihmën” e djalit të tyre të porsalindur. John Sellors vendosi një shënim bashkë me një unazë afër inkubatorit ku ndodhej Cobie, vogëlushi që kishte lindur 10 javë me herët, për t’i propozuar partneres: “Mami, do të martohesh me babin?”
“Unë zakonisht nuk jam një tip romantik, por me të vërtetë doja të bëja diçka për gjendjen shpirtërore të Sian, pasi ajo më kishte lënë të kuptoja prej kohësh dëshirën për t’u martuar. Infermieret ishin të shkëlqyera dhe më ndihmuan vërtetë.
Ata më thanë ta merrja Sian për një kafe dhe se do ta zgjidhnin kur të ktheheshim. Kur u kthyem mesazhi dhe unaza ishin atje, ishte një moment kaq i bukur, nuk mund t’i falënderoj mjaftueshëm.”, është shprehur 29-vjeçari.
26-vjeçarja Sian Stafford tha se nuk e priste një gjest kaq të veçantë:”Kur u kthyem në njësi, infermierët më thanë se Cobie ishte hequr nga aparati i frymëmarrjes, kështu që unë kisha nevojë të shkoja dhe të shikoja, pasi do ta shihja më shumë fytyrën e tij.
Po përqendrohesha aq shumë tek Cobie sa që në fillim as nuk e vura re shënimin dhe unazën. Pastaj John tha,” shiko, mendoj se Cobie dëshiron të të thotë diçka “. Unë lexova shënimin dhe ishte një moment kaq surreal, por i lumtur”. /abcnews.al/
