Tashmë është zyrtare. Toto Wolff do të qëndrojë edhe për tre sezone të tjera në Formula 1 si drejtor i Mercedes. Këtë e ka bërë të ditur vetë austriaku, duke folur për sezonin e ardhshëm, me dëshirën për t’u rikthyer dhe për të rivalizuar Red Bullin.
“Në fund të fundit, mendoj si aksioner, dua kthimin më të mirë të investimit. Nuk përpiqem të mbaj një pozicion ku mendoj se dikush do të bëjë më mirë se unë. Sigurohem që të kem njerëz përreth që mund të më thonë të kundërtën. Ndjehem mire. Rreziku për mua është gjithmonë. Kjo është arsyeja pse unë përqafoj sfidat që kemi sot, edhe nëse ato ndonjëherë duken shumë të vështira për t’u menaxhuar”,- u shpreh Wolf gjatë një intervist për të përditshmen angleze, “Daily Telegraph”.
Edhe në sezonin e vitit 2022 pilotët Lewis Hamilton dhe George Russell do të sfidojnë skuderinë “Red Bull” dhe “të pakonkurrueshmin”, Max Verstappen. Me botërorin e Formula 1 gati për të rindezur motorët, duket se skuadrat do të prodhojnë një tjetër sezon spektakolar të një shpejtësie marramëndëse. /i.m /abcnews.al
