Partizani pret sot në “Elbasan Arena” moldavët e Sf.Gheorghe (20:00). “Demat” janë gati për takimin e parë të raundit të parë në Conference League, teksa Ilir Daja ka zgjedhur titullarët e ndeshjes së sotme.
Katër lojtarë të ardhur nga merkato do ta nisin duelin nga minuta e parë: mbrojtësit Filip Gligorov, Dajan Shehu dhe Emiliano Musta (ka luajtur edhe më parë me ekipin kryeqytetas), dhe mesfushori Herald Marku.
Partizani do të zbresë në fushë me skemën 4-3-3. Në portë kapiteni Alban Hoxha, teksa Egzon Belica është i vetmi mbrojtës nga sezoni i kaluar.
Marku formon treshen e mesfushës me Jurgen Bardhin dhe Valentino Muratajn. Braziliani Stenio Junior do të luajë në qendër të sulmit.
Në krahë do tentohet të shfrytëzohet shpejtësia dhe inkursionet e Tedi Carës dhe Lucas Cardoso. Ndërkohë, rivali moldav do të luajë me skemën 4-4-2. /abcnews.al
