Janë publikuar formacionet e gjashtë sfidave të orës 21:00 në Champions League. Kryendeshja e sotme është padiskutim ajo mes Interit dhe Dortmundit, por dhe takimi mes Genk e Liverpool është shumë i rëndësishëm.
Conte dhe Favre kanë zgjedhur lojtarët e tyre më të mirë për këtë sfidë dhe surprizat nuk kanë munguar. Candreva e nis titullar dhe do të luajë si anësor i djathtë, ndërsa Asamoah në të majtë. Tre qendërmbrojtësit do të jenë si gjithmonë Skriniar, Godin dhe De Vrij. Në sulm, Conte ka preferuar dyshen Lukaku-Lautaro.
Ndërsa në kampin gjerman, Favre ka një ekip të gjymtuar. Kapiteni Marco Reus dhe Paco Alcacer nuk luajnë në këtë sfidë, ndërsa Brandt dhe Thorgan Hazard e nisin titullarë. Mario Gotze është ulur në stol dhe në majë të sulmit, me shumë gjasa do të jetë Jadon Sancho.
Në Belgjikë, Genk pret Liverpoolin dhe për herë të parë këtë sezon në Champions, Klopp ka të gatshëm të gjithë futbollistët. Alisson është rikthyer në portë, ndërsa në sulm, do të jenë si gjithmonë: Mane-Salaj-Firmino. Një formacion i frikshëm i të kuqve anglezë!/abcnews.al
Formacionet e sfidave:
Inter – Dortmund 21:00
Genk – Liverpool 21:00
S. Prague – Barcelona 21:00
