Real Madrid ndodhet në formë të shkëlqyer. Ecuria e fundit ka qenë shumë pozitive për ekipin spanjoll. Sonte luhet sfida e dytë kundër Liverpool për një biletë në gjysmëfinalet e Champions League dhe Reali (ka fituar 3-1 ndeshjen e parë) është afër kalimit në gjysmëfinale.
Rezultatet pozitive të kohëve të fundit kanë lumturuar presidentin Florentino Perez. AS raporton se kreu i “Los Blancos” ka vendosur të mos bëjë asnjë ndryshim në stol, siç është përfoluar disa herë këtë sezon. Zinedine Zidane po zhvillon një punë shumë të mirë.
Francezi do të vijojë të jetë nën drejtimin e ekipit edhe në sezonin e ardhshëm. Kohët e fundit ishte përfolur për një kalim të tij te Juventusi, por bardhezinjtë janë afër rikthimit të Max Allegrit, teksa Zidane do vijojë aventurën iberike. /abcnews.al
