Një fotoreporter ukrainas dhe një ushtar që po e shoqëronte kur u vranë në javët e para të pushtimit rus duket se janë ekzekutuar me gjakftohtësi.
Në këtë përfundim kanë dalë Reporterët pa Kufij, pas një hetimi për vdekjet e tyre, shkruan Al Jazeera.
Grupi për lirinë e shtypit tha se u kthye në vendin ku u gjetën trupat e Maks Levin dhe ushtarakut Oleksiy Chernyshov më 1 prill në pyjet në veri të kryeqytetit, Kiev. Ata numëruan 14 gëzhoja plumbash në pjesën e djegur të makinës së tyre ende në vendngjarje.
Gjithashtu u gjetën mbetjet e racioneve ushqimore, paketave të cigareve dhe mbeturinave të tjera të mbetura nga ushtarët rusë. Një bidon për benzinë u gjet gjithashtu afër vendit ku ishte gjetur trupi i djegur i Chernyshov.
Një ekip ukrainas me detektorë metalikë zbuloi një plumb të groposur në tokën ku ishte shtrirë trupi i Levinit. Grupi tha se gjetjet sugjerojnë se ai ndoshta është vrarë me një, ndoshta dy plumba të shkrepur nga afër, kur ai ishte tashmë në tokë. /abcnews.al
