Zakonisht thuhet, “fluturim” drejt qiellit. Kjo që ndodhi në Planica të Sllovenisë, në garën e fundit të Kupës së Botës, ishte e kundërta, një fluturim nga qielli drejt tokës.
Në disiplinën e kërcimit nga trampolina me ski, një yll vendas, I quajtur Domen Prevc, hyri në histori duke vendosur një rekord të madh botëror.
Prevc, 25 vjeç, kërceu nga trampoline plot 254.5 metra, për kënaqësinë e rreth 17 000 tifozëve të pranishëm.
Kjo do të thotë të kërcesh më shumë se dy fusha e gjysmë futbolli.
Rekordin e mëparshëm e mbante që nga viti 2017 austriaku Shtefan Kraft me 253.5 metra, pra Prevc e theu me plot 1 metër.
Më pas, ai deklaroi se ky lloj skenari ishte aq I veçantë sa që nuk do të kishin mundur ta imagjinonin as regjisorët e Hollivudit.
Gjithsesi, ky heroizëm I vërtetë nuk mjaftoi që kampioni I botës të mbronte titullin, madje as që të fitonte garën në Planica.
Globin e Kristaltë e fitoi austriaku Daniel Çofenig, ndërsa fitues I garës në Slloveni ishte një tjetër slloven, Anzhe Lanishek, që në total fitoi më shumë pikë me kërcimet e tij sesa rekordmeni I ri.
Ky është titulli I parë për austriakun Çofenig, dhe u arrit pikërisht ditën që ai mbushi 23 vjeç, pra I bëri vetes një dhuratë për ditëlindje.
