Mjekja pediatre Anila Sevdari, viziton çdo ditë deri në 40 fëmijë me viroza të stinës. Me të njëjtin fluks përballen edhe mjekët e tjerë të qendrës shëndetësore 9 në kryeqytet.
Prindërit paraqiten kryesisht gjatë orëve të drekës. Ky fluks është i njëjtë në të gjithë qendrat shëndetësore të kryeqytetit.
Temperaturë e lartë, diarre dhe të vjella janë simptomat më të shpeshta këtë periudhë. Mjekët ngrenë shqetësimin se adoleshentët janë ata të cilët i neglizhojnë virozat e stinës.
Fluksin më të lartë të fëmijëve e ka urgjenca pediatrike në QSUT. Kjo për shkak se prindërit nëpër rrethe i drejtohen këtij spitali. Çdo ditë në pediatri vizitohen rreth 240 fëmijë me simptoma të virozave të stinës. /abcnews.al/
