Përveç bukurisë, flokët shpesh tregojnë edhe gjendjen shëndetësore të një personi. Rënia e flokëve, zbokthi dhe të gjitha problemet që prekin lëkurën e kokës mund të nënkuptojnë shumë më tepër sesa imagjinoni për gjendjen e trupit tuaj. Por le të shohim më poshtë shenjat që duhet t’i kushtoni vëmendje!
Rënia e flokëve
Një nga faktorët që mund të çojë në rënien e flokëve është mosfunksionimi i gjëndrës tiroide, i cili kërkon monitorim. Në rast se rënia e flokëve vërehet herë pas here në intervale, kjo mund të jetë për shkak të një gjendjeje të lëkurës si psoriasis ose një formë dermatiti.
Mungesa e hekurit mund të çojë gjithashtu në rënien e flokëve dhe ju mund të dalloni nëse jeni të lodhur ose keni dhimbje koke. Me siguri atëherë hekuri juaj ka rënë nën nivelet normale.
Zbokth
Zbokthi në përgjithësi është i padëmshëm dhe mund të shkaktohet nga stresi, obeziteti dhe lëkura e yndyrshme. Zakonisht trajtohet me përdorimin e produkteve specifike për zbokthin. Megjithatë, në disa raste të veçanta, zbokthi mund të shoqërohet me dermatit seborrheik, një lloj sëmundjeje e lëkurës që shfaqet në vende me shumë gjëndra, si në kokë.
Flokë të dobët
Përveç produkteve të nxehtësisë që mund të “stresojnë” flokët, flokët e dobët mund të tregojnë mungesë proteinash. Nëse kjo ndodh, përfshini vezë, bulmet, mish dhe arra në dietën tuaj që ndihmojnë në mënyrë efektive. Flokët që këputen lehtë dhe kanë humbur vitalitetin e tyre janë të lidhura me zakonet e këqija të të ngrënit.
Thinja e parakohshme
Thinjat janë zakonisht të trashëgueshme. Nëse nuk ka një predispozitë gjenetike, mungesa e vitaminës B12 dhe anemia janë shkaqe të mundshme të thinjave të parakohshme. Për këtë arsye, duhet të hani ushqime si mëlçi, salmon dhe ton. Nëse keni anemi, duhet të ndiqni edhe një dietë të përshkruar nga mjeku juaj në mënyrë që të mos pengohet përthithja e hekurit nga trupi.
Hollimi i flokëve
Hollimi ose alopecia janë boshllëqet e vogla që krijohen në lëkurën e kokës. Shpesh është për shkak të faktorëve psikologjikë, të tilla si stresi. Tek femrat nuk mund të përjashtohet alopecia për shkak të mundësisë së vezoreve policistike të cilat për shkak të rritjes së menjëhershme të testosteronit mund të shkaktojnë rrallimin e flokëve. Edhe pse është një problem i rastësishëm, ndikon negativisht në gjendjen psikologjike ndaj rekomandohet vizita te mjeku përpara se problemi të bëhet serioz. /abcnews.al
