Rënia e flokëve është një fenomen që vërehet gjatë gjithë vitit por disa njerëz e hasin këtë problem më shumë në muajt e verës. Dhe ekspertët konfirmojnë se shumë njerëzve iu bien më shumë flokë gjatë kësaj periudhe por kjo nuk është diçka për t’u shqetësuar.
Kjo është për shkak të ciklit natyral të flokëve. Rënia normale e flokëve është për faktin se qimet nuk janë të gjitha në të njëjtën fazë rritjeje: çdo ditë disa rigjenerohen dhe të tjerë vdesin. Pra, humbja e deri në 100 fijeve në ditë është shumë normale.
Ka disa arsye të tjera pse flokët ju bien gjatë kësaj periudhe:
Dielli
Dielli është një ndër shkaqet e humbjes së flokëve gjatë verës. Rrezet UV të diellit mund të thithin çdo gjurmë të lagështisë, dhe t’i bëjnë fijet tuaja të thata. Përveç kësaj, flokët e thata janë më të brishta, prandaj thyhen lehtë. Për ta parandaluar këtë, përdorni kapele.
Klori
Gjatë verës, flokët tona janë më të ekspozuar ndaj klorit, që mund të shkaktojnë dëme në flokë. Kjo ndodh për shkak se klori përmban vetitë kimike që largojnë sebumin, gjë që rezulton me flokë të shurdhër, brishtë, ashpër dhe të prirur për thyerje.
Ajri i kondicionuar
Kondicioneri është një “armik” për flokët. Ata e nxjerrin lagështinë nga flokët dhe i lënë ato të thata, duke rezultuar në thyerjen e tyre. Për të shmangur këtë, mund të provoni ta përdorni kondicionerin, ose të aplikoni maskë hidratuese në flokë rreth një herë në javë. /abcnews.al
