Rreth gjysma e pronarëve të kafshëve shtëpiake i lejojnë katërkëmbëshët e tyre të preferuar të ndajnë shtratin e tyre. Edhe pse kafshët shtëpiake janë të mira për shëndetin dhe mirëqenien tonë, nuk janë bërë mjaft studime për përfitimet e gjumit pranë tyre.
Një hulumtim, i zhvilluar nga Klinika Mayo, shikoi se si ndikohet cilësia e gjumit tonë kur ndajmë dhomën e gjumit ose shtratin me qenin tonë. Për të zbuluar, studiuesit matën sasinë e kohës që kaluam në gjumë nga koha kur shtriheshim në shtrat. Teorikisht, ne duhet të flemë 85% të kohës. Studimi tregoi se shumica e vullnetarëve në studim qëndronin në gjumë 83% të kohës që kalonin në shtrat kur qeni flinte në dhomën e gjumit.
Megjithatë, kur katërkëmbëshi ishte në shtrat, kjo kohë u reduktua në 80%. Nuk është ideale, por nuk është tragjike. Dallimi është 14 minuta gjumë i humbur për ata që ndajnë shtratin me qenin e tyre, krahasuar me ata që e kanë kafshën në dhomën e gjumit.
Dr. Alexandra Horowitz, një profesoreshë e Kolegjit Barnard dhe autore e librit Inside the Dog: What Dogs See, Smell, and Know, thekson se ndarja e një shtrati me mikun më të mirë të njeriut është problem vetëm nëse ju shqetëson gjumin. “Zakoni i keq” nuk ndikon aspak në sjelljen e kafshës ndoshta forcon lidhjen me zotërinë e saj. Natyrisht, megjithatë, nëse gjumi është i vështirë për shkak të pranisë së kafshës në shtrat, thjesht duhet të kërkoni për një vend tjetër në shtëpi dhe ta “shtroni” atje.
Hulumtimi, natyrisht, nuk arriti të zbulojë se si ndikohet gjumi ynë kur një mik i dashur largohet nga shtrati i përbashkët. Megjithatë, shumica e pronarëve pranojnë se kur qeni largohet, ata zgjohen dhe e kërkojnë atë dhe kthehen në gjumë vetëm pasi të sigurohen që gjithçka po shkon mirë. Në fund të fundit, siç pranojnë ata, edhe kur prania e kafshës nuk është gjithmonë e këndshme apo e rehatshme, është qetësuese dhe shumë nuk do ta ndryshonin me asgjë./abcnews.al
