Zbardhen detaje të reja nga djegia e automjetit në Krujë gjatë natës. Abcnews.al mëson se automjeti ishte në pronësi të 20 vjeçarit, Erlind Demnushi.
Ngjarja ndodhi vendin e quajtur “Ura e Gjolës”, ndërsa automjeti ishte i parkuar në oborrin e banesës.
I ati i 20-vjeçarit, Gani Demnushi ka thënë se dëgjuam një shpërthim dhe u trembën. Po ashtu ai ka theksuar se nuk ka konflikte me askënd dhe nuk e di kush mund ta ketë bërë.
“Kur dolëm jashtë pamë makinën që po digjej, u munduam ta shuajmë, ndërkohë njoftuam edhe policinë, e cila erdhi menjëherë. Nuk kam konflikte me askënd nuk e di se kush ma bëri këtë, unë shikoj punën time”, është shprehu ai.
Ndërkohë policia, e cila ka nisur hetimet për zbardhjen e plotë të ngjarjes thotë se lënda plasëse ka qenë në mënyre artizanale. g.v/abcnews.sl
