Kongresi amerikan ka miratuar një projekt-ligj për infrastrukturën prej 1.2 trilion dollarësh, duke përmbushur një shtyllë kryesore të agjendës së brendshme të Presidentit Joe Biden pas muajsh diskutimesh të brendshme dhe përplasje midis demokratëve, shkruan CNN
Votimi u mbyll me 228 vota pro dhe 206 kundër. Trembëdhjetë republikanë votuan me shumicën e demokratëve në mbështetje të projektligjit, megjithëse gjashtë demokratë votuan kundër tij.
“Ky është investimi më i madh federal në infrastrukturën e vendit për dekada. Sonte ne bëmë një hap monumental përpara si komb. Brezat e tanishëm, njerëzit do të shikojnë prapa dhe do ta dinë se kjo është kur Amerika fitoi konkurrencën ekonomike për shekullin 21″, tha Biden.
Ndërkohë Dhoma e Përfaqësuesve po ecën përpara me një projekt-ligj më ambicioz për shpenzimet sociale të favorizuar nga ligjvënësit liberalë. Paketa e infrastrukturës tani shkon në tryezën e Biden për t’u nënshkruar në ligj.
Legjislacioni propozon 550 miliardë dollarë investime të reja federale në infrastrukturën e Amerikës gjatë pesë viteve, duke përfshirë paratë për urat, transitin masiv, hekurudhat, aeroportet, portet dhe rrugët.
Paketa përfshin një investim prej 65 miliardë dollarësh në përmirësimin e infrastrukturës dhe dhjetëra miliarda dollarë në përmirësimin e rrjetit elektrik dhe sistemeve të ujit. 7.5 miliardë dollarë të tjerë do të investohen për ndërtimin e një rrjeti mbarëkombëtar pikash karikimi të automjeteve elektrike.
/abcnews.al
