Roberto Firmino do të largohet nga Liverpool pas 7-vitesh qëndrimi në “Anfield”. E ardhmja e brazilianit dukshëm është larg “The Reds”, pasi lojtari ka humbur edhe vendin e titullarit në formacionin e Jurgen Klopp.
Me ardhmjen e Darwin Nunez, tashmë minutat për të mund të limitohen edhe më shumë, pasi tekniku i Liverpool nuk pritet t’i besojë një fanellë titullari.
30-vjeçari është futur në vitin e fundit të kontratës me Liverpoolin dhe klubi anglez nuk dëshiron ta humbasë atë me parametra zero vitin e ardhshëm.
E ardhmja e tij pritet të jetë në Itali, ku gjiganti italian J tanimë ka kontaktuar Liverpoolin për të pyetur për situatën e Firminos. Vetë braziliani e pëlqen një kalim në Serie A dhe Juventusi është një ekip i shkëlqyer për të.
Mediat në Angli dhe Itali kanë raportuar se “Zonja e vjetër” pritet të dërgojë një ofertë prej 20 milionë euro për transferimin e Firminos. /f.a/abcnews.al
