Ashtu siç shpresohej, ashtu ndodhi. Finalja e madhe e Wimbledon këtë sezon do të shohë si konkurrentë Novak Djokovic dhe Carlos Alcaraz. Dy tenistët më të mirë në botë ishin në mesin e 128 koelgëve të tjerë dy javë më parë në këtë turne, teksa dy sportistët në fjalë arritën të shkonin deri në finalen e cila do të luhet të dielën.
Novak Djokovic, numri 2 i botës (për momentin) bëri pjesën e tij duke mundur me vështirësi të riut italian Jannik Sinner 6-3, 6-4, 7-6 (4) në dy orë e 47 minuta lojë. Ai u ndoq në finale nga numri 1 më i ri në historinë e tenisit, 20-vjeçari spanjoll Carlos Alcaraz, i cili bëri punën edhe më të mirë kundër Daniil Medvedev në tre sete turpëruese që folën për 20-vjeçarin.
Djokovic ka mundësinë që të arrijë në tetë fitore në Wimbledon, duke barazuar Roger Federer, teksa mund të sigurojë një rekord me 24 Grand Slame të fituara në karrierë. Kundër Alcaraz, serbi nuk do e ketë të lehtë, pasi spanjolli synon të mbajë vendin e parë në renditjen e përgjithshme. Një 20-vjeçar kundër një 36-vjeçari me përvojë, që kërkon të sigurojë lavdinë në fundin e karrierës së suksesshme./ h.ll/abcnews.al
