Në orën 21:00, Spanja dhe Anglia ndeshen në Berlin për finalen e Euro 2024.
Mbreti Karli III i tha skuadrës se ai do të preferonte ta fitonte ndeshjen në një mënyrë ndryshe se sa ka fituar disa nga ndeshjet e mëparshme.
Mbreti Karli III, ndërsa uroi ekipin e meshkujve për arritjen e tyre në finalen e dytë të Europianit në po aq vite, tha: “Nëse mund t’ju inkurajoj të siguroni fitoren përpara se të keni nevojë për ndonjë mrekulli të minutës së fundit ose një penallti tjetër dramatike, jam i sigurt se ankthi të popullit britanik dhe ‘rrahjet e zemrës’ do të lehtësoheshin shumë”.
Urdhri mbretëror erdhi ndërsa Mbreti udhëhoqi festimet për skuadrën e Gareth Southgate që mbërrinte në Berlin. “Gruaja ime dhe unë bashkohemi me gjithë familjen tonë për t’ju uruar urimet tona më të përzemërta për kualifikimin në finalen e Kampionatit Evropian të UEFA-s dhe për të dërguar urimet tona më të mira për ndeshjen e së dielës”, tha ai.
Princi William, president i Federatës së Futbollit, do të jetë në ndeshje. Megjithatë, mbretërorët e Spanjës kanë marrë një epërsi të hershme në mbështetje. Mbreti Felipe VI do të jetë atje së bashku me vajzën e tij më të vogël, Infanta Sofia, e cila është një tifoze e madhe e futbollit dhe ishte e pranishme për të parë femrat e Spanjës të fitojnë Kupën e Botës në Australi në vitin 2023./abcnews.al
