Elseid Hysaj, mbrojtësi i kombëtares shqiptare, pas ndeshjes me San Marinon në lidhjen direkte me Supersport deklaroi: “Po mbylleshin shumë, sikurse Andorra. Ishte e vështirë të gjeje hapësira. U lodhën më pas dhe ndryshimet në pjesën e dytë na krijuan hapësira.
Më shumë guxim? Raste patëm shumë, thjesht ata ishin mbyllur shumë dhe ishte e vështirë të kombinonin. Duhet të prisnim pak dhe të shënonim”.
“Besoj se jemi konkurrues, kemi 6 pikë, Na duhet pak kohë që të kuptohemi më shumë. Kjo skuadër ka shumë vlera dhe do e tregojmë me kalimin e kohës”, tha Hysaj, të cilit iu lexua edhe një lajm nga Blick në lidhje me Nedim Bajramin.
Mesfushorit i është refuzuar kërkesa nga FIFA, pasi ka luajtur 4 ndeshje me Zvicrën mbi 21 vjecc dhe sipas gazetës zvicerane nuk mund të luajë me Shqipërinë, referuar rregullores së FIFA-s.
Hysaj, në lidhje me këtë lajm, deklaroi: “E dinim që kishte probleme, tani po e marr vesh që paska një problem më të madh. Shpresoj ta zgjidhë dhe të na bashkohet, pasi është një lojtar shumë i mirë që mund të na bëjë punë”. /abcnews.al
