Kjo ishte vërshëllima e fundit e sezonit të rregullt të Kategorisë Superiore.
Në pritje të titullit kampion që do të diskutohet në “final four”, java e 36 dha verdiktet e tjera të rëndësishme të kampionatit elitar të futbollit në vend…
Këto janë rezultatet e javës së fundit, ku nuk munguan surprizat..
Rreziku nuk është shuar, por për momentin Tirana dhe tifozët bardheblu mund të bëjnë një frymëmarrje lehtësuese.
Skuadra e drejtuar nga Bledi Shkëmbi evitoi largimin direkt nga Kategoria Superiore, duke mundur 2-0 Dinamo City në javën e fundit të sezonit të rregullt.
Rafael Silva në pjesën e parë dhe Zharmuni me 11 metërsh në fundin e sfidës i dhuruan Tiranës një vend të play out, ku do të diskutojë përfundimisht qëndrimin në Superiore me fituesin e pleyu off të Kategorisë së Parë, me Besës dhe Pogradecit.
E gjithë drama u jetua në Korçë, ku Skënderbeu I bashkohet Laçit, si dy skuadrat që bien në një kategori më posshtë.
Korçarët humbën 2-1 finalen e mbijetesës me Bylis, që mbetet mes më të mirëve të futbollit shqiptar.
Në javën e fundit të sezonit të rregullt festoon edhe Partizani.
Të kuqtë e kryeqytetit mundën 2-0 AF Elbasanin në sfidën direkte për vendin e katërt, duke siguruar një vend në “finalet” e titullit kampion.
Preka në pjesën e parë dhe Eleke në minutat e fundit vendosën suksesin e skuadrës së drejtuar nga Skënder Gega, që I bashkohet Egnatias, Vllaznisë dhe Dinamo City në garën për titullin kampion në Kategorinë Superiore.
