Të mbijetuarit e tërmeteve vdekjeprurëse në Turqi tani po detyrohen të mbijetojnë në të ftohtë, me temperatura deri në -5 gradë në Gaziantep. Ekipet e shpëtimit në Turqi dhe Siri vazhdojnë të kërkojnë në rrënoja.
“72 orët e para janë kritike për gjetjen e të mbijetuarve, më shumë se 90% e të mbijetuarve janë gjetur brenda kësaj periudhe,” tha Ilan Kelman, një studiues i fatkeqësive në University College London (UCL).
No words.. I can’t … this is hell #Turkey #earthquake pic.twitter.com/B6xn1g6r5y
— Abier (@abierkhatib) February 6, 2023
Ndërsa operacionet vazhdojnë ditë e natë, rënia e temperaturave e bën jetën një makth për të mbijetuarit që nuk kanë ku të shkojnë. Palestra, xhamitë, shkollat dhe dyqanet janë hapur për të mbijetuarit, por shtretërit janë të paktë dhe mijëra kalojnë netët në makinat e tyre ose në strehimore të improvizuara.
“Fëmijët po ngrijnë nga i ftohti,” tha Ahmed Hussein, baba i pesë fëmijëve, i cili u detyrua të ngrinte një strehë pranë shtëpisë së tij të dëmtuar në Gaziantep, një qytet pranë epiqendrës së tërmetit 7.8 ballë.
This is one of the most devastating videos I’ve seen come out of Turkey after the earthquake.
Rescue workers shout: “can anyone hear our voice?”
The silence that follows is gut wrenching. pic.twitter.com/sWSbVigb75
— Fatima (@fatimazsaid) February 8, 2023
“Duhet të djegim stolat e parkut dhe disa nga rrobat e fëmijëve. Nuk ka asgjë tjetër. Të paktën të na kishin dhënë çadra”, thekson ai duke iu referuar autoriteteve turke.
Gjatë vizitës së tij në rajon, presidenti turk Rexhep Tajip Erdogan pranoi se janë bërë disa gabime në menaxhimin e fatkeqësisë , me rritjen e kritikave.
“Sigurisht që ka pasur boshllëqe, është e pamundur të përgatitemi për një fatkeqësi të tillë”, vlerësoi ai.
Që nga e hëna, policia turke ka arrestuar 12 persona për postime në mediat sociale që kritikojnë trajtimin e katastrofës nga qeveria.
Të paktën 3,356 njerëz u vranë në provincën Hatay, pak më shumë se një e treta e 12,873 viktimave të regjistruara deri më tani në Turqi. Ky është numri më i madh i regjistruar në vend që nga tërmeti i vitit 1999, kur një tërmet me magnitudë 7.4 vrau 17,000 njerëz, duke përfshirë rreth 1,000 në Stamboll.
/abcnews.al
