Një nënë e cila u përfshi në një aksident që i mori jetën 2 fëmijëve të saj të mitur akuzohet se ishte e dehur në momentin që ndodhi ngjarja.
Mary McCann, 35 vjeç, po udhëtonte me një makinë tip ‘Vauxhall Astra me djalin Smaller, 10 vjeç dhe vajzën 4-vjeçare Lilly.
Asnjëri nga fëmijët nuk kishte vendosur rripat e sigurimit, kur ajo u përplas me një kamion ndërsa ngiste me shpejtësi 115 km/h në një korsi ku shpejtësia e lejuar ishte 95 km/h.
Pas testit të alkoolit ajo rezultoi se kishte një sasi prej 98 mg alkool për 100 ml gjak, ndërsa kufiri ligjor është 80 mg.
McCann u arratis për një javë dhe nuk u paraqit në Gjykatë për tu përballur me drejtësinë pas funeralit të fëmijëve të saj.
Ajo tani është burgosur dhe është dënuar me 4 vjet e 1 muaj burg pasi u deklarua fajtore për shkaktimin e vdekjes nga drejtimi i pakujdesshëm nën ndikimin e alkoolit.
Ajo gjithashtu u ndalua të drejtonte makinën për shtatë vjet e dy javë.
35-vjeçarja së bashku me fëmijët po kthehej nga një festë ditëlindjeje kur ndodhi tragjedia.
McCann u përplas me pjesën e pasme të kamionit.
Liloi e vogël kishte dalë nga makina dhe u gjet në anë të rrugës.
McCann u dëgjua duke bërtitur pas përplasjes “Zot, pse nuk i vendosa rripat e sigurimit?”
Pas vdekjes së të miturve u zhvilluan homazhe nga të afërmit e tyre.
Një fqinje zemërthyer tha për The Sun: “Ajo do të luftojë të përballojë jetën pa fëmijët e saj. Ata ishin bota e për të. Ajo jetoi për ta.”/abcnews.al/
