Konfliktet gjeopolitike mund t’i kushtojnë ekonomisë globale 14.5 trilionë dollarë përgjatë 5 viteve. Janë këto vlerësimet që bën Lloyd’s of London, kompania shumëkombëshe siguruese e klientëve ne mbare boten në një raport të fundit, sipas të cilit mbyllja e rrugëve kryesore për shkak të konflikteve përbën një kërcënim të madh për ekonominë globale.
Ndërprerja e zinxhirëve të furnizimit mund të përdoren si armë kyçe nga qeveritë e vendeve për të ushtruar presion ndaj kundërshtarëve. Bllokimi qoftë i vetëm njërës nga këto rrugë që përdoren për transport, mund të pengojë deri në 80% të import eksporteve si dhe energjisë.
Sipas Lloyd’s of London, deri më tani konfliktet nuk kanë arritur deri në pikën e ndërprerjes katastrofike të tregtisë globale. megjithatë, stabiliteti I vazhdueshëm nuk është I garantuar.
Veç përshkallëzimit të tensioneve në disa rajoni, faktorët që po rrisin presionet mbi burimet ekonomike janë edhe ndryshimet klimatike por edhe sulmet kibernetike.
Para pushtimit në vitin 2022, Ukraina dhe Rusia prodhonin 30% të grurit në nivel global dhe ishin eksportuese të rreth 55% të lulediellit. Me nisjen e luftës, një konflikt që ndryshoi botën u shkaktuan ndërprerje të rënda në furnizimet ushqimore, veçanërisht në vendet më të varfra të botës.
Ndërsa aleatët e Ukrainës u angazhuan të hiqnin dorë nga përdorimi i karburanteve ruse pas pushtimit, shumë shteteve iu desh të zbatonin masa urgjente për të zgjidhur krizën energjetike që shpërtheu.
Ndërkohë, sipas Organizatës së Kombeve të Bashkuara për Ushqimin dhe Bujqësinë FAO, çmimet e mallrave ushqimore në botë kryesisht drithërat, sheqeri dhe vajrat panë rritjen më të shpejtë në 18 muaj përgjatë shtatorit./abcnews.al
