Carlo Ancelotti është shkarkuar nga Napoli, që doli mbrëmë me një komunikatë. Ende nuk është zyrtarizuar se kush do e pasojë, por në Itali e bëjnë fakt që Gennaro Gattuso do e pasojë në stol, madje ditën e sotme në orën 14:00 ai do të dalë edhe në seancën e parë.
Ancelotti pritet të përshëndetet me futbollistët, ndërkohë që klubi i Napolit ka bërë një postim në faqen zyrtare në “Facebook”. Një falënderim i shkurtër për trajnerin e tyre, që tanimë kthehet në një “ish” dhe e kërkojnë disa klube në Angli.
MESAZHET E FUTBOLLISTËVE -Edhe lojtarët e kanë falënderuar trajnerin italian përmes rrjeteve sociale. Manolas shkruan: “Faleminderit nga zemra mister, për gjithçka që ke bërë për mua dhe Napolin. Ka qenë një nder që kisha një trajner si ju. Sa më shumë fat për ju dhe stafin tuaj. Ju uroj më të mirën, sepse e meritoni.
Meret, Elmas dhe Di Lorenzo kanë pëlqyer atë që shoku i tyre ka shkruar, ndërkohë që braziliani Allan shkruan: “Keni qenë një njeri special, më shumë se një trajner. Të falënderoje për gjithçka keni bërë në këto dy vite së bashku. Ju uroj fat ju dhe stafit tuaj. /abcnews.al
