Sot u mbajt një takim i liderëve të koalicionit “Për Ardhmërinë e Malit të Zi”, “Paqja është Kombi ynë” dhe “Bardhë e Zi”, Zdravko Krivokapic, Aleksa Beçiç dhe Dritan Abazoviç, të cilët siç thuhet në deklaratën e përbashkët, do të përbëjnë Qeverinë e ardhshme të Malit të Zi dhe do të realizojë vullnetin zgjedhor të qytetarëve.
Sipas tyre, të tre udhëheqësit shumë shpejt u pajtuan për disa parime mbi të cilat do të punojë qeveria e ardhshme.
“Parimi i parë që është rënë dakord është se qeveria e re, demokratike do të zbatojë me përgjegjësi të gjitha detyrimet ndërkombëtare.
Së dyti, që qeveria e re demokratike do të zbatojë të gjitha reformat e nevojshme në mënyrë që Mali i Zi të anëtarësohet në Bashkimin Evropian sa më shpejt të jetë e mundur.
Së treti, që qeveria e re, demokratike do të jetë me ekspert, e përbërë nga staf që janë ekspertë në fusha specifike, pavarësisht nga karakteristikat e tyre politike, fetare, kombëtare ose ndonjë karakteristikë tjetër.
Së katërti, qeveria e re do të angazhohet plotësisht në respektimin e Kushtetutës dhe zbatimin e ligjit, me ndryshime në të gjitha ligjet dhe aktet nënligjore diskriminuese, përfshirë Ligjin për Lirinë e Fesë “, thuhet në deklaratë.
Ndërsa deklarojnë më tej, përveç kësaj, “këta tre liderë po u zgjasin dorën përfaqësuesve të popujve të pakicave me dëshirën për të ndërtuar së bashku një të ardhme më të bukur dhe të prosperuar për Malin e Zi”.
