Norvegjia vazhdon të protestojë për të drejtat e punëtorëve në Katar, vend që do të organizojë Botërorin e vitit të ardhshëm. Shumë emigrantë, kryesisht nga Bangladeshi, India apo Pakistani, kanë humbur jetën duke punuar për ndërtimin e stadiumeve.
Pagesa modeste, kushte të vështira punë, asnjë e drejtë njerëzore dhe presion për të përfunduar sa më shpejt stadiumet. Mbi 6500 persona kanë humbur jetën, teksa nuk kanë munguar protestat ndaj autoriteteve të Katarit.
“Të Drejtat e Njeriut, brenda dhe jashtë fushës“, lexohej në fanellat e lojtarëve të Norvegjisë në duelin e muajit mars ndaj Gjibraltarit. Një gjë të ngjashme bëri edhe Gjermania. Protesta e skuadrës vikinge vijoi edhe në sfidën ndaj Turqisë.
‘FAIR PLAY FOR MIGRANT WORKERS’ Human rights on and off the pitch.’
Norway continue speaking out against ?? Qatar’s human rights record ahead of the 2022 World Cup. pic.twitter.com/e10YzcjGCD
— ?? Football (@NORftbl) June 6, 2021
“Të Drejtat e Njeriut, brenda dhe jashtë fushës. Norvegjia, Gjermania, kush e ka radhën?“, lexohej në fanellat e bardha të Erling Haaland me shokë. Norvegjia ka zbritur sërish në fushë ditën e sotme dhe po përballet me Greqinë.
Përpara nisjes së takimit miqësor, lojtarët skandinavë kryen protestën e radhës. “Fair Play për punëtorët emigrantë“, është shkrimi që kanë zgjedhur për fanellat e tyre. Më poshtë nuk mungon edhe shkrimi: “Të Drejtat e Njeriut, brenda dhe jashtë fushës“. /abcnews.al
