Europol operacion të gjerë në 7 vende/ Shkatërrohet grupi kriminal në Ballkan, 37 të arrestuar

Europol njoftoi se pas një operacioni të madh policor në shtatë vende shpërbeu “një bande kriminale jashtëzakonisht të dhunshme nga Ballkani Perëndimor”.

Kreu i grupit thuhet se është një boshnjak i cili aktualisht po vuan dënimin me katër vjet burg në Itali. Sipas Europol, ai vazhdoi të drejtonte trafikun e armëve dhe drogës nga qelia e tij e burgut.

Të mërkurën, një aksion policor është kryer në Kroaci, Slloveni, Bosnje-Hercegovinë, Holandë, Itali, Belgjikë dhe Gjermani. Operacioni u koordinua nga qendra operacionale e policisë kroate në Zagreb.

Ndër të tjera janë sekuestruar 148 mijë euro, 18 armë zjarri, 500 gramë tritol, 15 kg kokainë, 11 kg heroinë, 3 kg amfetaminë, 7 kg marihuanë dhe 10 kg hash, ndërsa janë arrestuar 37 persona. /abcnews.al