Pothuajse dy të tretat e territorit europian është në alarm të kuq për shkak të thatësirës ndërsa ka lëshuar paralajmërime edhe për shkak të valëve të të nxehtit e reshjeve të pakta.
Sipas agjencisë kompetente të Bashkimit Europian, si pasojë e thatësirës, lundrimi në lumenj dhe liqene, prodhimi i energjisë elektrike dhe rendimentet e disa kulturave janë kufizuar.
Raporti i gushtit nga Observatori Europian i Thatësirës (EDO), i cili mbikëqyret nga Komisioni Europian, thekson se 47% e Europës është në alarm të kuq dhe 17% është në gatishmëri.
Thatësira ka prekur shumë rajone të Europës që nga fillimi i vitit dhe është zgjeruar dhe përkeqësuar që nga fillimi i gushtit”, thuhet në raport.
Të korrat verore janë prekur, me rendimentet e misrit të vitit 2022 që pritet të jenë 16% nën mesataren pesëvjeçare, ndërsa rendimentet e sojës dhe lulediellit pritet të bien përkatësisht me 15% dhe 12%. Prodhimi i energjisë hidrike është prekur gjithashtu, me ndikim të mëtejshëm tek prodhuesit e energjisë për shkak të mungesës së ujit për të ushqyer sistemet e ftohjes.
Nivelet e ulëta të ujit po pengojnë lundrimin në lumenj dhe liqene, të tilla si përgjatë Rinit, dhe ngarkesa e reduktuar e anijeve ndikon në transportin e qymyrit dhe naftës.
EDO raporton se në mesin e gushtit reshjet e shiut lehtësuan disi situatën, por në disa raste erdhën në formën e stuhive të cilat shkaktuan dëme të mëtejshme.
/abcnews.al
