Eurodeputetja franceze që vie nga partia e ekstremit të djathtë në Francë, Dominique Bilde, ka propozuar një rezolutë në Parlamentin Evropian ku i bën thirrje Përfaqësuesit të Lartë të BE-së, Josep Borell të kërkojë implementimin e Asociacionit të Komunave me Shumicë Serbe dhe shpreh shqetësimin mbi kërkesën për heqjen e manastireve serbe nga lista e vendve të trashëgimisë botërore në rrezik të UNESCO-s.
Deputetja nga Franca ka thënë po ashtu se është skandaloz vendimi i qeverisë së Kosovës për të mos lejuar mbajtjen e referendumit kushtetues të Serbisë në Kosovë.
“Fati i serbëve të Kosovës po përkeqësohet dita ditës. Rezoluta ime e propozuar mbi manastiret serbe të klasifikuara “në rrezik” nga UNESCO. Refuzimi për të hapur qendrat e votimit për referendumin e janarit gjithashtu është skandaloz”, ka shkruar Bilde.
