Udhëheqësi i ekstremit të djathtë holandez Geert Wilders njoftoi dje se partia e tij do t’i bashkohet grupit parlamentar europian të formuar nga kryeministri hungarez Viktor Orban.
“Ne jemi patriotë të PVV (Partia për Liri), ne e duam vendin tonë,” tha Ëilders në një deklaratë për shtyp.
“E fortë dhe dominuese. Qëndroni përballë emigracionit të paligjshëm. Ne qëndrojmë për paqen dhe lirinë. Dhe ne mbështesim Ukrainën. Ne duam të bashkojmë forcat tona në Parlamentin Europian dhe do t’i bashkohemi me krenari “Patriotëve për Europën”, nënvizoi lideri i ekstremit të djathtë holandez.
Kryeministri hungarez Viktor Orbán njoftoi të dielën synimin e tij për të formuar një grup të ri parlamentar europian, të quajtur “Patriotët për Europën “, së bashku me Partinë e Lirisë së ekstremit të djathtë (FPÖ) dhe lëvizjen centriste të ish-kryeministrit çek, Andrei Babis.
Partia e Wilders ka fituar gjashtë vende në Parlamentin Europian dhe deri më tani i përkiste grupit Identiteti dhe Demokracia (ID).
/abcnews.al
